ذنوبي

ذنوبي

مانويت تبان عيوبي هاكدا خرج ليا لحساب

نفرا وحدي مكتوبي ميمتي اش هاد المكتاب

لوحتي ثقيلة بذنوبي والجنة عليها بواب

راحت الحيلة راح الجاه اوعدي ما بقاو صحاب

عت منوال نترجاه لا من جا ولا من جاب

البرج صبح متمورة والعاطي ولا طباب 

تيقو بي هاد المرة طاحت الضرسة فالكلاب

ما نفعو معاها طبا ما نفع معاهاعشاب

سجت الحرمل والشبة سجت الشوافة ولحجاب

دارت الدورة بالزربة يا الغالط عاود لحساب

قصتي قصة معلومة فيها فصول وابواب

الفايدة فيها معدومة شخوصها لخوا والسراب

حكيتها لولاد الحومة شي فهم شي ما صاب جواب

حكيتها ليكم نتوما مصاب تفهمو مصاب

شرت ليك هنا بالغمزة اعيب لبحيرة التقلاب

خسارة فلتات الهمزة امانسمحو لي كان سباب

من اعداد: عبدالعزيز واكريم