كلام الشيخ
كلام الشيخ
كنت انا وزهرة اللوز
ساكنين فحومة وحدة
فدان كبير امحروز
حراس عتاد اعدة
كنطل عليها وندوز
نتبعها تنهيدة
شافني مرة شيخ عگوز
قال لي غير زعم ابدا
كلها غي محنة وتدوز
لهوى هكا كيبدا
ابلي مكلت اللوز
فطر بها وتغدى
بكر لاتبقى مازوز
لاترك اليوم لغدا
علجبين رزقنا مطروز
كل عنق عليه قلادة
دير مادارو ناس زمان
دق باب الدار تقدا
جيب ثوب بيض احنة
خاتم ذهبي والفضة
قفطان حريرمطرز
الخياطة عين اعقدة
اكتب كتاب الخلود
العوايد ولا بدا
ويكون الخاطر موجود
لخليل سقي مودة
هدي لو حزمة ورود
دير لو ساحة فالكبدة
صورتو فاللوح المحفوض
لا تعير البال للاعدا
قسمة والدنيا حضوض
حيث تسالي كتبدا
من اعداد: عبدالعزيز واكريم
ضع وجهة نظرك حول المحتوى
ردحذفسواء أكانت ايجابية أو سلبية فهي مرحب بها عبر بحرية مطلقة