خواطر امازيغية

الباز

الباز ارگمرن لجيفت اراتتيرين

تسا نوتبير ادلدين نيغت تين اويس

إشيت اسو ادامن دون راصلن اتاياض

افلد. إخسان إييزان ارتن تاران

تفيي. احلان اغتخيارن تيرام

إما تادغرولن ادامن اخصنس إحرم

اراتتحادان ازومن اسنا توفان

تاطسا تاوراغت(الضحكة الصفراء)

ارايي وضار امودو الخاطر ران اكال

ٱرايي العاقل طوزومت اوول

 أرايي الطرف

الن رانت اجديگ ايلس ارايي تامنت

أگايي الهم اگودي اترساون مناو

أگ الباضل اغوليد ارتنتاناي نفيس

اغنساول اگييداغ فلاس اتليس

نكي تاطسا ديفوغن غتاسا اساتليغ

تاليساغد اتمناگار والياغ اران

اما تاوراغت كرهيختنت نسرميتنت

Tawargit

Anki wargagh isanga lhakem yat tikalt

Arntamr arntenho skargh mkali righ

Ighnsawl awal adasn isella kiwan

Yan mi ghrigh ayid ilkem haron ifis

Ngen ghaldagh isndoy nomen tikerkas

Orak nsker lahsab israysfaw lhal

Ngan anrar ghyida ghtella temzzawot

Nfel tadliwin oddarnt

artakotent

Nga tiglay itar3emt tansa fallasent

Yakit osgoti tarza mnas mnas nchat

Nghars iwchichaw maziyn niri taselsit

Wamnnachk ayadda gant tasa nochichaw

Ofigh azro Ii serzan wino ta9ayin

Otib adgan ollah amkisen madosin

الدايرة(لباس النبلاء)

نكي دومغ اكان ادايرة راكنت لساغ

اولايني نتات دوحلاس اورنمالان

اورنطاف اييس ادركن اورنطاف المال

الا طافغ البرود اصحان اسرس نكات

ونا دار اييس اعلفن اتور اسنتال

اديفوغ سوبراز اشكو ران اماوال

ازوران (العروق)

اسين مدن اتاسا اگيم يوتن سيزوران

ايان اغ يوسي الضد انغ يانكميسالان

واگولاغ سربي ديدامن لي نمشاراك

اكولو كرا سامنگول ارتن كملغ.

ايانام يوسين الهم كامي تيتاسيت

اتاسا نو اتالي غسكر كويان اترس

الله ارساري تادرت يانكم اريرين

اتاسانو اريغ نزي نسمحام نفلكنت

اغاراس (الطريق)

واك المسكين جنب اغتكام اغاراس

اما طوزومت ميدن انست اتنت اكان

اغاك اغرا يان ادايسن تينيت نعام

اما يانكوريسيگيلن اناتاس نتوك

نكي مادريغ امداكل الا مايي ران

اغورزدار اديدي اكمل ماسنان

اغورايصبر صبراغ انمون اتان الان

اوراون سميحاغ ازين اراك رزيماغ

اينا غنزري نمناگارك مرا كا تنتلت

اكورافغ الا اييد ايلكم واوال نون

امودو (رحلة)

نكي تايرينو مودانت ارتلوليينت

ارنسين ما سانادو الا ماسنتمام

كيغ لبحر كيغ لبر نويل غگنوان

نيون سودرار ازاغار كلو سوتلغاس

اغ وريغ فوفاسي دونتيي تازلماط

اغ نزلمض ارتيدونت نتات تافاسيت

اغا تازلاغ تبيد نغ تنتل لاحييت

اغ نبيد ارتازال ارسري قيلنت

بو الرشوم

اسگاسن اياد نگا ستيلو نو غوفوس

الا تيوريقين نگاور اراون تاراغ

نورا تيبراتين اد اسكين اور لكيمنت

اريغ لحروز اگوديين اسكنين اوتاغ

نورا تمكيلين اغ نمحي يات نسو يات

نزور لقبور نگن غلخلا نشا اسافار

نسرمي اگرامن الزاويات نسرميتنت

نزول ندعا لوحاغن مناو الفالات

اريغ اسمنون اگي نتاسانو سلموس

تگي تايري نون ابو الرشوم ايي طلقنت

مبارك

اراداك ننا مبارك انيي واياض

افوكات فلاغ ربي افوكا تاساسين

اكاتن گيغ ازنزوم ارا ساولاغ

نلا تاكمامت نوزال نلي تخرصين

گناغ احلاس سودون سرحن اكوراي

اغاساد سرساغ الهم راناسي اشاقور

نغزان الهيشت نمضلت سوماكا اواكال

نوريد سوباراز ادسمحاقاغ اوال

اگمونك اغاس ايگا اوفوسنك اطريش

اداك اورتالات ادمنك افوسنك ايان

انكي حمدغ اربي دورتا تلكم تناغ

انساغ ارزنزاغ نعمرك ا سوق

نكرز مگراغ نزوزر نعمر تيسرفين

اراسار ييلي مادانغ اكسن الحاصول

الا لعشور ازيضينو نكي ارات افرن

إرات نزضا غوزرگينو نسيفاس اورن

نغرف اغروم نعرضاون اكيوان اتيش

تاگات 

اكاتن غالغ تاگات اسورا كاتنت

اميل اگما ارتيدونت ايليغ اوتنت

واليياغ يوتن سوضار يوتيي سوفوس

وا ياك افروگة ييدا تريت اياتلكمت

وا كولو اغاراسن دارم اسايي تاوين

الحمدايت ا للاه انمالا كولو الشور

الا السوق تليت ا ضو تيليم ايامان

تيلي تيز لا كوز اضارن اس انسنخيليف

وا هاتي حرا ترصا الدرست ار تاروتنت

وا غيكا اوفانت تيزار ويلاسنت اسن

الفنار

ايفروكن اويلي كولنين اماس نييض

اريفو زمان اليغاسن اكمل واول

اضرد الفنار اضر الضيم فمي نلحمام

بو كوز ادماون تيزي نتلاس انلكمت

وا تجاجت نون رزانت اوو سوتلناك

وارارات فزلماض نسفاو افاو الحال

تفوكت ارسمرغانت ارتنوارنت

ازنزار زون اريضير. ولا كان اكال

كولو تيسواك ليغ اخسي يوري سرسنت

وان اريسوين نضاضاني اسول ارالان

غاسكاس لعين اعمر اريسا ولكال

اسيف انكي در الجامع انلكم وامان

تمازيرت ارتيدونت ارسفراحنت

السوقنس الله ابارك اسرواسي فاس

اريلي بلا جليج ارتما نوغاراس

امان اسين وياض

اروح لبحر تميكيت ييون تاساونت
اوتن لاحروش لبرجنس اسينت وامان
اكاد اخف اييكودار ارتن اتلواح
اوتن لابروج اكاد لساس امي نصور
اربي ايمي وانوض انفات اكوراوين
اسدي علي امحند اوركي ياتوياس
اراس اخفي ماش لبركتنس اتيروران

تخيرا

الاعاون افروكن سلام اعاليكم

الاعاون اتمازيرتينو ليغ نلول

اردام نن الله ارحمك انيد امين

ابادل الزمان تبادلمت اكان اليام

الداون ارسندامن اريي سالاان

اقار العين اكابرن حرا وامان نك

اريي تكيم الوضو الا تيسي وامان

تشاريجت ايلي غنسوا اماكا اوامان

الاعاون ايلي غتمونان افرخان

الا ترباتين مدن محانان مخاوان

لكمغ الكودي كابلخت ارتخميماغ

يلي غنميار اداكمغ ترام اوامان

وا لالة صفية رادام نمت سرافان

اتسوكت نشاريج اسلامينو فلام

كمين اغتلا لمدرست لييي يوران

تيرا ليسديك نجمعا اتشاطرت اواوال

اتادربت اختيد اكتي يان ارالان

غكلي نواراو مزين مي لاح اناس

مامنك اورنقنض اغاون ملان اكساك

ابادل ادم نتكادرت ارتسول نسين

اواخ توخر تازايت ليت اسكلن

الاه ابلا الصبر ادارس اتما واسنس

نمازيرت غكلي كيس نسن لاحييت

 اربي ايافروك اريد انساول ياواوال

من اعداد: عبدالعزيز واكريم