لالة جارة جارة
جارتي يا لالة جارة
يا زين بنات الحارة
لكل الناس تبسم
لكل الناس تبسم
زينها يفتن لعزارة
توزن لكلام وتحشم
حطها علجرح ويبرا
كان شعرها ليل طويل
فمها جوهر انقرة
ويلا طلقاتو يا ويل
كلنا فينا كتجرا
كانت كتمنى تخدم
سنين وهي تقرا
لكن حلمها تعدم
حضها غير المجرى
خرجات وخفتها تندم
ساقها لفقر للحفرة
لا خليل عليها سول
لا زواج ضهر يا حسرة
كانت غلطة فالاول
شويا صبحات قسارة
غيابها غادي وطول
عرشها هدموه بمرة
زولات لباس الحشمة
شافت التقزاب ألعرى
تبتات علينا التهمة
كلنا ضيعنا لمرا
فقنا ملي فات الفوت
ديرو بالكم ع لخرى
بانو لحباب والخوت
لا حد سولني مدرا
من اعداد: عبدالعزيز واكريم
تعليقاتكم تهمنا
ردحذفضع وجهة نظرك حول المحتوى
سواء أكانت ايجابية أو سلبية فهي مرحب بها عبر بحرية مطلقة
لالة سارة جارة ههه بالتوفيق
ردحذف