شِعر الجراح والرحيل
- سلتك اراسي علحوال جاوبتيني بالسؤال
- لا غليل شفيتي ليا ولا ريحتي لي بال
- كلت ليك حوال بلادي كلتي ليا انا حوال
- لبلاد بلا مولاها شانها الفنا والزوال
- لا روى لا ما يوصلها لا غلة فيها تتكال
- ولدها غادر خلاها لغريب دخلها فالحال
- حاطها باهلو وداها كاع ها سولنا بشحال
- كال عخباتو القبيلة دار فيها سكنى عيال
- عرفني ما بدي حيلة ولا عندي ما يتكال
- قاطعين معاه الصيلة باعنا وشرانا بالمال
- فلسنا فنهار اليلة لا ربح ولا راس المال
- شوفتو شوفة غدارة كلامو دغيا كيبسال
- روضنا ولا مقبرة نعادم فيها حس الرجال
- لاحنا لغريب لبرا افبلادي صال اجال
- جابنا لحساب بمرة اولينا بحال بحال
- بان المخفي وتعرى متنا وتقادا لجال
من اعداد: عبدالعزيز واكريم
ليست هناك تعليقات