لحمام
حمامنا هود من لبراج
صابح اقاقي كيف الدجاج
عيطو لو كيتي كيتي
جا يتجارا كي لمواج
فالحين تغير طبعو
يحفر ويطير لعجاج
بيبان الباطل ترعو
الشاشية تطيح التاج
وكلوه ذرة مخدومة
شربوه الملح الاجاج
ريشوه الشوف تعمى
مشيتو غادية كتعواج
شاعت خبارو فالحومة
صورتو طافت كل فجاج
لحمو ولات عضوما
نساه لخاتم فالزواج
وزعوه صبح غنيمة
الشريف القاضي والحاج
طقو لي كان عناية
ضاعت لوانو بالتمراج
لا خو لا باة اداري
بيتنا سورو من زجاج
الرجال ولاو دراري
بدلو النقرة بالنكلاج
الطعام بسبع خضاري
السمن تبدل بالفرماج
من اعداد: عبدالعزيز واكريم
ضع وجهة نظرك حول المحتوى
ردحذفسواء أكانت ايجابية أو سلبية فهي مرحب بها عبر بحرية مطلقة